Ish-presidenti i Interit, Erick Thohir së fundmi është bërë pjesë e bordit të skuadrës së Oxford United.
Thohir, i cili para pak kohësh ndërpreu kontratën e tij me zikaltërit duke u larguar nga posti i presidentit, tashmë ka filluar një aventurë në Angli.
Kujtojmë se tek Interi gjatë periudhës së tij me gjithë premtimet që u bënë nuk pati ndonjë zhvillim të dukshëm të skuadrës.
E njoh prej kohësh Tigerin (presidenti Samrith Thanakarnjanasuth) dhe sapo më tha se kërkonte dikë që të përfshinte te Oxford, u interesova që ta mbështes në një farë mënyre. E njoh qytetin dhe isha i interesuar edhe për skuadrën. Kam informacion për historinë e tij. Klubi është në zemër të Oxfordit dhe tifozët janë një pjesë e rëndësishme e tij. Mendoj se kemi nevojë të marrim nga kjo histori shpirtin e klubit. Mund të ndihmoj klubin me përvojën time. Po mundohem të bëj gjithçka që bashkë me presidentin dhe bordin e klubit, të ecim përpara”, u shpreh Thohir.