Selektori i Kosovës, Bernard Challandes, ka folur sot në konferencë për media para ndeshjeve me Maltën dhe Azerbajxhanin.
Kosova luan dy ndeshjet e fundit në grupin 3 të Ligës D në Ligën e Kombeve në datat 17 dhe 20 nëntor.
I pyetur në konferencën për shtyp nëse portieri Arjanet Muriqi do të aktivizohet apo jo në këto ndeshje, Challandes tha se nuk do të tregojë se kush do të jetë pjesë e formacionit.
“Është e qartë se nuk jap formacion apo diçka tjetër, kemi një javë përpara, më shumë kohë për të parë formën e secilit nga afër”, tha Challandes.
“Ndoshta do të vendosim të premten për lojtarët që do të luajnë, jo vetëm për Muriqin por për të gjithë lojtarët e ekipit”, shtoi Challandes, raporton insport.
“Më duhet të them që jam shumë i lumtur që kemi një opsion më shumë dhe një porter tjetër shumë cilësor”, tha selektori.