Barcelona po ndjek me shumë interes paraqitjet e talentit të Dinamo Zagreb, Dani Olmo. Në fakt, 20-vjeçari nuk është i panjohur për ambientin katalan, pasi nga mosha 9-16 vjeç ai ka qenë pjesë e akademisë “blaugrana”, përpara se të transferohej në Kroaci. Olmo, i cili është edhe pjesë e përfaqësueses U-21 të Spanjës, konsiderohet si një nga lojtarët kyç të formacionit të skuadrës kroate, duke tërhequr kështu vëmendjen e mjaft ekipeve në Europë. Talenti i tij është vënë re edhe nga klube si Manchester United, Liverpool apo Borussia Dortmund, duke përbërë një konkurrencë të madhe për katalanët.
