Chelsea frikësohet nga dënimi i FIFA-s, Sarri dëshiron katër përforcime në janar që kushtojnë 230 milionë euro

Futboll

Chelsea frikësohet nga dënimi i FIFA-s, Sarri dëshiron katër përforcime në janar që kushtojnë 230 milionë euro

Më: 18 nëntor 2018 Në ora: 14:46
Maurizio Sarri

Me kërcënimin e embargos së transferimeve nga FIFA shkaku i parregullsive me transferimin e të miturve, Maurizio Sarri synon katër transferime të mëdha gjatë afatit kalimtar të janarit.

Mediat angleze raportuan para disa ditës që FIFA janë duke hetuar pesë klube angleze shkaku i parregullsive me transferimin e të miturve dhe ndër to ishte edhe Chelsea.

Në rast se klubi londinez del fajtor apo shkelës i këtyre rregullave atëherë mund të dënohet me dy vite ndalesë për transferime.

Kështu, Blutë po planifikojnë një shpërthim të madh të transferimeve këtë janar pasi këtij kërcënimi me ndalim dyvjeçar që varet nga FIFA.

Sipas mediumit anglez Express.co.uk, Chelsea po mendon të shpenzojë mbi 200 milionë funte apo rreth 230 milionë euro në afatin e transferimeve të janarit.

Njëri nga objektivat kryesore të klubin nga Stamford Bridge është mbrojtësi i majtë i Juventusit, Alex Sandro, i cili vlerësohet 50 milionë funte apo 56 milionë euro.

Sarri do të dëshironte gjithashtu të rriste konkurrencën në mbrojtje e tij me shqiptarin Elseid Hysaj, i cili kushton rreth 50 milionë euro dhe Nathan Ake të Bournemouth, për të cilin Chelsea ka klauzolë riblerje prej 45 milionë eurosh gjithashtu.

Sidoqoftë, shpenzimet më të mëdha të klubit mund të jenë transferimi prej 70 milionë funtesh apo 79 milionë eurosh i Christian Pulisic nga Dortmundi.

commentFirst article
Sot mund të lexoni Shfletoni kopertinat