Gianni De Biasi, tashmë në historinë e shqiptarëve për shkak se arriti që për herë të parë të kualifikojë Kombëtaren kuqezi në Europian ka folur pas humbjes së mbrëmshme kundër Skocisë.
Ndeshja e vlefshme për kualifikueset në Ligën e Kombeve, përfundoi 4-0 në favor të skocezëve.
De Biassi i ka dalë në mbrojtje trajnerit aktual Kristian Panucci duke u shprehur se nuk kishte ekipin e plotë.
“Ishte situatë e vështirë për trajnerin, pasi skuadra ishte në inferioritet numerik ndaj një kundërshtari që vraponte shumë. Nuk ishte aspak e lehtë, pasi mungonin disa lojtarë, Roshi, Sadiku dhe tani Hysaj. Ekipi nuk ishte i plotë dhe hasi në shumë vështirësi ndaj një skuadre të fortë. Unë dal në mbrojtje të trajnerit, pasi bën gjithçka mundet me futbollistët që ka në dispozicion”, deklaroi ish trajneri i kuqezinjve.
Ai ka thënë më tej:
“Nuk ka shumë për të thënë. për fat të keq u pësua gol që në fillim më pas u luajt gjatë gjithë ndeshjes me 10 futbollistë. Skocia është një skuadër e fortë, me lojtarë cilësorë në përbërje dhe që ishin në gjendje shumë të mirë fizike. Ishte një ndeshje shumë më e vështirë nga sa e imagjinoja”.
