Sa do mungojë mbrojtësi i Interit? - Bota Sot
Sa do mungojë mbrojtësi i Interit?

Futboll

Sa do mungojë mbrojtësi i Interit?

Më: 19 nëntor 2018 Në ora: 19:40
Sime Vrsaljko

Mbrojtësi kroat Sime Vrsaljko la fushën i dëmtuar pasditen e djeshme në “Wembley”, kur përfaqësuesja e tij po përballej me Anglinë, ndërsa sot janë kryer edhe ekzaminimet e para për të përcaktuar shkallën e lëndimit.

Ndonëse nuk bëhet fjalë për një dëmtim shqetësues, mjekët e Interin kanë konfirmuar se mbrojtësi i djathtë nuk do të mund të jetë i gatshëm për sfidën e fundjavës ndaj Frosinones.

Gjithashtu në dyshim është edhe prezenca e tij në transfertën e mesjavës së ardhshme, sërish në “Wembley”, por këtë herë përballë Tottenhamit, në sfidën e vlefshme për Ligën e Kampionëve.

Mjekët zikaltër po përpiqen ta rikuperojnë futbollistin sa më shpejt të jetë e mundur, por pa kërkuar të rrezikojnë, pasi në atë pozicion është tashmë i gatshëm edhe mbrojtësi tjetër Danilo D’ambrosio.

Sot mund të lexoni Shfletoni kopertinat