Kosova pret Azerbajxhanin, Challandes dhe Berisha: Duam të fitojmë

Futboll

Kosova pret Azerbajxhanin, Challandes dhe Berisha: Duam të fitojmë

Më: 20 nëntor 2018 Në ora: 07:57
Trajneri Challandes

Edhe pse i duhet vetëm 1 pikë për të fituar grupin, në fundin e një fushate fantastike në Ligën e Kombeve, Kosova do të synojë suksesin këtë të martë ndaj Azerbajxhanit. Trajneri Challandes nënvizoi se do të guxojnë ndaj rivalëve në shtëpinë e tyre, edhe pse azerët janë favoritë.

“Shanset për fitore janë 50 me 50 përqind. Azerbajxhani është një skuadër e fortë dhe e mirë, madje është favorit pasi ka shumë më shumë përvojë se ne. Por ne do futemi për fitore dhe jam i bindur se me përkrahjen e tifozëve tanë të zjarrtë, do t’ia arrijmë qëllimit. Nuk do ta ndërrojmë filozofinë e lojës, edhe pse do të duhet të rrezikojmë”, deklaroi trajneri zviceran.

Edhe mesfushori Valon Berisha theksoi se Azerbajxhani është favorit për shkak të përvojës, por sipas tij fitorja ndaj Maltës i ka dhënë më shumë motiv ekipit.

“Sfida e fundit ishte një fitore tejet domethënëse, por jemi të vetëdijshëm për rëndësinë e ndeshjes së radhës. Edhe pse barazimi na mjafton nuk duhet të mendojmë për barazim, por duhet të shkojmë për fitore”, deklaroi Berisha.

Ndeshja Kosovë-Azerbajxhan do të zhvillohet sonte në orën 20:45, në stadiumin “Fadil Vokrri” në Prishtinë, shkallët e të cilit do të jenë të tejmbushura.

commentFirst article
Sot mund të lexoni Shfletoni kopertinat