Shkëndija e Tetovës është një makineri e pandalshme golash. Skuadra kuqezi mori fitoren e radhës në Ligën e Parë të Maqedonisë, duke iu imponuar me rezultatin e thellë 5:0 Sileksit. Një përballje që u kthye si ndeshje stërvitore për të besuarit e Qatip Osmanit, ndër të cilët spikati ish-sulmuesi i Kukësit, Izair Emini, me një dygolësh. Në fakt serinë e golave e hapi Nafiu në minutën e 25-të, për t’ia lënë skenën Eminit, ndërsa listës së shënuesve iu shtuan edhe Shefiti e Fazli. Me 5 golat e shënuar ndaj Sileksit, Shkëndija shkon në kuotën e 37 pikëve në total, thuajse sa dyfishi i Rabotniçkit. Ky sukses i thellë i kuqezinjve mori edhe më shumë vlerë për shkak të humbjes 0:1 të Vardarit ndaj Rabotniçkit, ndërsa Shkupi barazoi 2:2 në fushën e Makedonija GP. Diferenca mes Shkëndijës kryesuese dhe Vardarit pas javës së 15-të tashmë shkon në 6 pikë (34:28).
Rezultatet
A. Pandev-Pobeda 2:1
Bellasica-Renova 3:1
Makedonija-Shkupi 2:2
Shkëndija-Sileksi 5:0
Vardari-Rabotniçki 0:1
Tabela
1. Shkëndija 15 10 4 1 34
2. Vardari 15 8 4 3 28
3. A. Pandev 15 8 1 6 25
4. Rabotniçki 15 6 2 7 20
5. Renova 15 5 4 6 19
6. Makedonija GP 15 4 5 6 17
7. Pobeda 15 5 2 8 17
8. Bellasica 15 4 5 6 17
9. Shkupi 15 4 4 7 16
10. Sileksi 15 3 5 7 14