Trajneri i Tottenham, Mauricio Pochettino, gjatë një interviste foli për të ardhmen e Christian Eriksen. Numri një i stolit të “spurs”-ave deklaroi se si drejtuesit ashtu edhe lojtari e dinë shumë mirë situatën e krijuar dhe se shumë skuadra të mëdha europiane janë vënë në ndjekje të tij. AI theksoi se, “pavarësisht ofertave nga ekipet e tjera klubi po punon për të marrë vendimin e duhur”. 46-vjeçari pohoi se edhe vetë Eriksen ka kërkuar kohë për të marrë vendimin e duhur për të ardhmen e tij. Pochettino pohoi se dëshira e tij është që mesfushori të rinovojë kontratën dhe të qëndrojë për një kohë të gjatë te Tottenhami.
