Fat i madh për Italinë! - Bota Sot
Fat i madh për Italinë!

Futboll

Fat i madh për Italinë!

Më: 25 nëntor 2018 Në ora: 15:39
Mancini

Sulmi mbetet problemi kryesor i kombëtares së Italisë, çka u konfirmua në ndeshjet e Nations League, ku skuadra “azzurre” vuante shumë për të shkuar te goli. Trajneri Roberto Mancini premtoi se do të punojë fort gjatë këtyre muajve për ta zgjidhur këtë ngërç dhe duket se ka gati përgjigjen. Ai është sulmuesi 28-vjeçar Emiliano Sala, që luan prej vitit 2015 në Francë, me skuadrën e Nantës (113 ndeshje e 41 gola me këtë fanellë).

Në League 1 po ecën me ritme të shkëlqyera, ka një mesatare prej 1 gol në 90 minuta (11 gola këtë sezon, po aq sa Mbappe). Sala realizonte si nën drejtimin e trajnerit Claudio Ranieri ashtu dhe tani që ekipi i Nantës drejtohet nga Vahid Halilhodzic. Nuk cilësohet si një fenomen, por duke parë situatën e keqe të sulmit në kombëtaren italiane ai mund të jetë zgjidhja. Po përse ai?

Sala ka lindur në qytetin e Progrese, në Santa Fe të Argjentinës, por njëkohësisht zotëron edhe pasaportën italiane. Ai nuk është grumbulluar asnjëherë nga kombëtarja ameirkano-latine, madje ajo nuk e merr në konsideratë, ndaj Italia mund të jetë një shans për të, për të veshur fanellën “azzurre”. Për momentin është vetëm një ide, por ka gjasa që vitin 2019 ta shohim si titullar të kombëtares së Mancinit.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...