Juventusi do të përballet me Valencian sonte në Champions League – dhe kush do të startojë për ”Zonjën e Vjetër”?
Juventusi mund ta sigurojë kualifikimin në fazën e grupeve edhe në rast të barazimit sonte ndaj Valencias në ”Allianz Stadium”.
Gjiganti italian prinë në grupin H me 9 pikë, katër më shumë se Valencia, e cila renditet në vendin e tretë.
Maxi Allegri synon që të kryejë punë më shpejt në grupin përkatës për ta vazhduar ecurinë pa humbje në kampionat, transmeton IndeksOnline.
Cristiano Ronaldo është i gatshëm që të startojë dhe padyshim se kërkon hakmarrje sonte ndaj Valencias, skuadër ndaj të cilës u përjashtua me të kuq në shtator.
Ish-anëtari i Real Madridit pritet të startojë përkrah Paulo Dybalas në formacionin, 4-4-2.
Kjo do ta linte Mario Mandzukicin në stol, derisa Blaise Matuidi pritet të luajë në të majtë të mesfushës.
Emre Can dhe Sami Khedira do të mungojnë shkaku i lëndimeve, derisa kësaj liste i shtohet edhe Federico Bernardeschi.
Mbrojtësi i majtë, Alex Sandro është i pezulluar për një ndeshje, derisa Joao Cancelo do të luajë në të djathtë, kurse në qendër, Chiellini dhe Bonucci.
Formacioni i mundshëm i Juventusit:
(4-4-2) Szczesny; Cancelo, Bonucci, Chiellini, Sandro; Cuadrado, Bentancur, Pjanic, Matuidi; Ronaldo, Dybala.