Real Madrid është vënë në ndjekje të mesfushorit të Totenhamit, danezit Kristian Eriksen. Santiago Solari mendon se mesfushori i anglezëve është zgjedhja e duhur për ekipin e madrilenëve. Por sipas gazetës sportive “Marca” problem mbetet klauzola që klubi i “Spurs”-ave kanë vendosur.
Londinezët kërkojnë 250 milionë euro për “yllin” e tyre edhe kjo duket një shifër marramendëse që në qoftë se paguhet nga ana e madrilenëve e bën kështu Eriksenin lojtarin më të shtrenjtë në historinë e futbollit. Nga ana tjetër, Totenhem është në negociata me vetë lojtarin dhe kjo duket se është një ndër arsyet pse klauzola e tij është “stratosferike”.
