Pasi ka pasur rezultate të mira si trajner i përkohshëm, 40 vjeçarit pritet që ti ofrohet karrigeje e Albiceleste për Cipa America 2019
Trajneri i brendshëm i Argjentinës, Lionel Scalonit i është ofruar kontratë nga Federata e Futbollit të Argjentinës (AFA) për trajner të Kombëtares, nga presidenti Claudio Tapia.
Ish trajneri Jorge Sampaoli e ka paguar çmimin për paraqitjen e dobët të Argjentinës në Botëror, pasi që ata u eliminuan në 1/8’ën e finales nga Franca.
Scaloni, i cili më parë ka qenë në krye të skuadrës U-20 të Argjentinës, është trajner i përkohshëm që nga gushti dhe ka drejtuar gjashtë ndeshje me radhë.
E vetmja humbje e tij ishte nga Brazili në tetor, derisa ai ka mposhtur dy herë Meksikën, ka deklasuar Irakun, ka gjunjëzuar Guatemalan dhe ka një barazim me Kolumbian .
“Është e rëndësishme të dimë çfarë ne dëshirojmë nga skuadra e jonë kombëtare”, ka thënë të enjten para komitetit ekzekutiv, Tapia.
“Ne e kemi përcjell punën e Lionel Scaloni, vazhdimisht, kështu që ne do ti ofrojmë atij kontratë deri pas Copa America”.