Prishtina dimëron në krye të tabelës së elitës së futbollit të Kosovës. Bardhekaltrit triumfojnë në derbin e javës së fundit të vjeshtës përkatësisht të 17-të, duke i shkaktuar humbje me rezultat 2:0 kampionit në fuqi Dritës nga Gjilani. Ndeshje mjaft e mirë në stadiumin “Fadil Vokrri” në kryeqytet, por Prishtina i ndali të tria pikët dhe është kampione vjeshtore me 40 pikë, dy më shumë se Feronikeli nga Drenasi, kurse Drita zë pozitën e gjashtë me 23. Futbollisti Meriton Korenica dhe Basid Khalid janë hero të fitores së Prishtinës, me golat që kanë realizuar në minutën e 57-të përkatësisht 90+5. Prishtina ka pasur një vjeshtë jashtëzakonisht të mirë, me 12 fitore, 4 barazime e 1 humbje, me goldallim 23:4 apo me mbrojtjen më të fortë gjatë vjeshtës.
Vala Superliga e Kosovës
Gjilani-Ferizaj 1:0
Drenica-KEK-u 5:1
Llapi-Liria 1:0
Ferronikeli-Flamurtari 2:0
Trepça ’89-Ballkani 1:0
Prishtina-Drita 2:0
Tabela
1. Prishtina 17 12 4 1 40
2. Feronikeli 17 12 3 2 39
3. Llapi 17 11 2 4 35
4. Gjilani 17 8 3 6 27
5. Drenica 17 7 3 7 24
6. Drita 17 7 2 8 23
7. Trepça 89 17 5 7 5 22
8. Flamurtari 17 6 4 7 22
9. Ballkani 17 6 3 8 21
10. Liria 17 6 1 10 19
11. Ferizaj 17 4 3 10 15
12. KEK-U 17 0 1 16 1
