Sevilla vazhdon me formë të mirë dhe importon edhe një pikë të rëndësishme, duke iu shkaktuar kokëçarje të fortë Barcelonës, Real Madridit dhe Atletico Madridit në luftë për titullin e kampionit në Spanjë. Valencia në Mestalla barazoi me rezultat 1:1 me Sevillën, në ndeshjen e javës së 15-të.
Në minutën e 55-të, në një rrëmujë në 16-shin vendas, Pablo Sarabia doli i vetmuar dhe me një prekje pothuajse të lehtë shënon për epërsinë e Sevillës, kurse vendasit barazuan në fund të sfidës (90+3), duke iu falënderuar golit të Mouctar Diakhaby. Sevilla është në vend të dytë me 28 pikë sa ka i pari Barcelona dhe Atletico në pozitën e tretë, kurse Valencia në pozitën e 12-të me 18 pikë.