Futbollisti nga Kosova, Andi Zeqiri, është më i merituari që Lausanne ndali një pikë në vatër të vet. Lausanne barazoi me rezultat 1:1 me Servetten, në kryendeshjen e javës së 17-të të Challenge League (Liga e Dytë e Zvicrës).
Një lojë e mirë dhe që përfundoi pa fitues. Koro Kone në minutën e 35-të kaloi në epërsi Servetten, por sulmuesi shqiptar Andi Zeqiri barazoi rezultatin 12 minuta (78’) pa përfunduar sfida dhe Lausannes i solli një pikë të vlefshme.
Është interesant se Zeqiri u aktivizua në lojë në minutën e 77-të dhe pas një minute realizoi gol. Servette udhëheq kreun me 34 pikë, ka shtatë më shumë se Lausanne që mban pozitën e tretë në renditjen tabelore.
