Mbrojtësi brazilian dëshiron të vazhdojë kontratën me Blutë.
David Luiz ka treguar që e dashuron Chelsean dhe se synimi i tij është ta vazhdojë kontratën me klubin londinez.
Ndonëse sezonin e shkuar ai luajti shumë pak, me ardhjen e Maurizio Sarrit, Luiz është kthyer në një prej shtyllave të mbrojtjes.
Futbollisti ka thënë se është në bisedime për vazhdimin e kontratës.
“Jemi ende duke folur, të shohim se çfarë do të sjellë e ardhmja”, ka thënë Luiz.
“E dua këtë klub dhe të gjithë e dinë se dua të qëndroj këtu”.
“Po mundohem ta shijoj çdo ditë në këtë klub. Pastaj do të gjejmë atë që është më e mira, si për mua ashtu edhe për Chelsean”, ka përfunduar braziliani.