Bayern Munich mund ta humbet një lojtar shumë të rëndësishëm.
Ylli i Bayern Munich, Kingsley Coman, ka thënë se ai është shumë afër të pensionohet nga futbolli edhe pse është vetëm 25-vjeçar.
Lojtari francez ka bërë të ditur se nëse pëson një tjetër lëndim serioz, atëherë do të pensionohet nga futbolli.
“Ishte një vit tejet i vështirë”, ka thënë Coman,
“Kur e lëndoj veten, atëherë është fundi i botës për mua.
“Shpresoj që mos ta përjetoj më atë që kam kaluar. Mjaftë është mjaftë. Nuk do ta pranoj një operacion të tretë – duket se këmba ime nuk është bërë për këtë nivel.
“Do ta jetoj një jetë tjetër, një jetë ku do të isha më pak i njohur”, ka shtuar më tej francezi.
Coma u transferua në verën e vitit 2015 te Bayern Munich nga Juventusi për një shumë rreth 30 milionë euro, e që shihej si zëvendësues ideal i Franck Riberys, por që lëndimet po e lënë atë jashtë fushe për shumë kohë.