Sulmuesi francez thyen edhe njëherë rregullat brenda skuadrës.
Futbollisti i Barcelonës, Ousmane Dembele, u paraqit në qendrën stërvitore dy orë me vonesë gjatë të hënës.
Si pasojë e kësaj vonese, klubi katalanas ka vendosur ta gjobisë me 100 mijë euro 21-vjeçarin.
Nuk është hera e parë që kampioni i botës bën sjellje të tilla dhe nuk është i disiplinuar. Ai u stërvit i veçuar, pasi mbaruan përgatitjet shokët e tij të skuadrës.
Francezi rikthehet të bëjë sërish sjellje të pahijshme, teksa të njëjtin episod e bëri një muaj më parë.
Nëse Dembele do të vijojë sërish me këto gjëra, gjoba do të rritet shumëfish dhe më pas largimi do të jetë i paevitueshëm.