Shumë klube të mëdha interesohen për yllin e Borussia Monchengladbach.
Bayern Munich vazhdon të mendojë për të ripërtërirë skuadrën, me synimin e vetëm për t’u forcuar vetë, por edhe për të dobësuar kundërshtarët.
Kampionët e Gjermanisë kanë nisur të kërkojnë që tani për lojtarët që mund të transferojnë.
Synimi i radhës për ekipin e Niko Kovaç është ylli i Borussia Monchengladbachut, Thorgan Hazard.
Belgu ka bërë mjaft mirë këtë edicion duke shënuar dhe gjashtë gola. Lojtarit në fjalë i përfundon kontrata në vitin 2020 dhe Bayerni do të përfitojë nga kjo situatë.
Thorgan është vëllai i Eden Hazard dhe luan sezonin e tij të pestë në Gjermani. Përveç Bayernit, ka edhe shumë klube të tjera të interesuara për futbollistin belg.