Arsenal duket se do të përfitojë nga konkurrenca e madhe tek skuadra e Barcelonës.
Atyre iu është ofruar mesfushori katalunas, Denis Suarez, sipas “The Independent”.
Flitet se ai mund të kalojë në Arsenal për shumën e 17 milionë eurove, gjatë janarit.
Suarez ka hasur në probleme për tu aktivizuar në Barcelonë këtë sezon, duke regjistruar vetëm pesë paraqitje në të gjitha kompeticionet.
Skuadra është e gatshme që ta lirojë lojtarin që të largohet qysh në muajin e ardhshëm.
Kujtojmë se trajneri i Arsenal i njeh mirë kualitetet e Denis, pasi lojtari kishte luajtur tek Sevilla në formë huazimi, në vitin 2014.