Sot nisin punimet për segmentin e dytë të rregullimit të shëtitores së lumit Krena në Gjakovë.
Shëtitorja po realizohet me mjetet e Komunës së Gjakovës dhe Ministrisë së Mjedisit.
Ceremonia e fillimit të punimeve mbahet në kryqëzimin e rrugëve “Tefik Çanga” e “Mazllum Lakuci”, konkretisht në afërsi të zyrave të Kompanisë Rajonale të Pastrimit “Çabrati”.
Segmenti i parë i kësaj shëtitoreje kishte përfunduar në mesin e dhjetorit të kaluar, ndërsa siç është thënë e gjithë shëtitorja synohet të përfundojë deri në vitin 2020.
