Në Spitalin e Gjakovës janë hospitalizuar 52 pacientë me COVID-19. Prej tyre 43 pacientë kanë rezultuar pozitiv me virusin korona, ndërsa 28 pacientë janë duke u trajtuar me oksigjenoterapi.
Nga spitali kanë njoftuar se 9 pacientë janë në pritje për testim dhe 5 të tjerë janë në CPAP maskë.
Po ashtu edhe 6 mjekë, 16 infermierë dhe 2 staf mbështetës janë infektuar me virusin korona.
Qytetarëve iu është bërë thirrje që të mos e ulin vëmendjen për zbatimin e rregullave dhe masave për të frenuar përhapjen e virusit të rrezikshëm që prek këdo.
