Gjakova proteston kundër ardhjes së pelegrinëve serbë në Kosovë - Bota Sot
Gjakova proteston kundër ardhjes së pelegrinëve serbë në Kosovë

Gjakova

Gjakova proteston kundër ardhjes së pelegrinëve serbë në Kosovë

Më: 28 gusht 2018 Në ora: 07:10
Ilustrim

Qytetarët të Gjakovës sërish do të kundërshtojnë ardhjen e paralajmëruar të pelegrinëve serbë në qytetin e tyre. Përmes rrjetit social Facebook, ata po thërrasin për protestë.

“Të martën me 28 gusht ora 8:00 te rruga ‘Mbreteresha Teutë’, protestojmë kundër ardhjes së kriminelëve serbë në Gjakovë”, thuhet në përshkrimin e thirrjes për protestë.

Edhe shoqata “Thirrjet e Nënave” në Gjakovë, ka dalë kundër ardhjes së pelegrinëve serbë në qytetin e Gjakovës, shoqatë e cila, përmes një letre të hapur dërguar presidentit Thaçi, kërkon nga ky i fundit që të ndalojë këtë vizitë.

Themeluesja e Fondit për të Drejtën Humanitare, Natasha Kandiq, e ka ftuar presidentin e Kosovës, Hashim Thaçi, që t’ua mundësojë serbëve të Gjakovës që sivjet ta vizitojnë kishën.

“Me këtë rast ju lus që personalisht të angazhohen në mënyrë që serbët nga Gjakova më 28 gusht 2018 të mundë ta vizitojnë kishën dhe shtëpitë e veta dhe të mos i nënshtrohen poshtërimit sikur në vitin e shkuar”, ka thënë Kandiqi në letrën e sot e boton e gazeta e Beogradit “Danas”.

E presidenti i vendit tha se “ është e paimagjinueshme dhe është e papranueshme që dikush të cenojë të drejtat apo të mos lejojë vizitën e qytetarëve serbë në objektet fetare, qoftë në Gjakovë ose kudo tjetër anembanë Kosovës”.

Më të lexuarat
Sot mund të lexoni Shfletoni kopertinat
Sondazh
test
Tjera