Autoritetet në Berlin kanë vendosur 369 familje nën karantinë pasi dhjetëra njerëz rezultuan pozitive në koronavirus.
Zyrtarët në rrethin jugor të Neukoelln thanë se shpërthimi përfshinte shtëpi në shtatë vendndodhje të ndryshme dhe në disa raste me 10 njerëz që jetonin së bashku, shkruan Daily Mail.
Zyrtari i lartë shëndetësor i Berlinit, Dilek Kalayci, u bëri thirrje atyre që banojnë në kryeqytetin gjerman të përdorin një aplikacion të ri të gjurmimit të kontaktit, të mbështetur nga qeveria për të ndihmuar në kufizimin e përhapjes së virusit.
Zyrtarët thonë se aplikacioni i ri i gjurmimit është aq i sigurt sa që edhe ministrat e qeverisë mund ta përdorin atë – megjithëse zhvilluesit pranojnë se nuk është ende perfekt.
Aplikacionet për smartphone janë provuar si një mjet i teknologjisë së lartë në përpjekjen për të gjetur infeksionet e mundshme Covid-19.
Ekspertët thonë se gjetja e rasteve të reja shpejt është thelbësore për ngushtimin e grupimeve të freskëta, veçanërisht pasi vendet dalin ngadalë nga bllokimet dhe përpiqen të shmangin një valë të dytë të infeksioneve dhe vdekjeve.
