Këta janë tre shqiptarët që vdiqën dje në Gjermani

Gjermania

Këta janë tre shqiptarët që vdiqën dje në Gjermani

Më: 17 tetor 2020 Në ora: 07:59
Pamje nga vendi i ngjarjes

Policia gjermane të premten e ka konfirmuar vdekjen e 3 personave në Gjermani duke theksuar se bëhet fjalë për 2 persona me shtetësi të Kosovës dhe një të tretë për pasaportë zvicerane, por që të tre kanë mbiemrin e njëjtë.

Komisari i Policisë, Mark Gmünder, ka treguar edhe inicialet e tre personave të cilët kanë vdekur pasi janë përplasur me një kamion.

Bëhet fjalë për personat me inicialet B.K, Z.K dhe F.K, të cilët kanë qenë duke udhëtuar drejt Zvicrës.

Siç shkruajnë mediat gjermane, mosha e të vdekurve është (12), (18) dhe (35), dhe dyshohet se janë nga Ferizaj.

Lidhur me këtë aksident ka reaguar edhe ambasada e Kosovës në Berlin, e cila ka treguar se është në kontakt me autoritetet gjermane për të zbardhur rrethanat e ngjarjes.

Derisa ditë më parë në Gjermani kanë vdekur tragjikisht edhe dy vëllezër nga Deçani, të cilët janë goditur nga një tren derisa po shkonin në shkollë.

Shfaq komentet
comments powered by Disqus
Sot mund të lexoni Shfletoni kopertinat