Mjeku shqiptar në Gjermani tregon për eksperiencën e vaksinimit kundër Covid-19

Gjermania

Mjeku shqiptar në Gjermani tregon për eksperiencën e vaksinimit kundër Covid-19

Më: 23 janar 2021 Në ora: 16:40
Kujtim Pllana

Mjeku nga Kosova që punon në Gjermani, Kujtim Pllana, para katër ditësh e ka marrë dozën e parë të vaksinës Pfizer-BioNTech.

Mantelbardhi Pllana, i cili është duke specializuar për anesteziologji dhe punon në spitalin “St. George Klinikum” në qytetin e Eisenach, ka bërë me dije se vaksinimi i profesionistëve shëndetësorë në Gjermani ka filluar më 27 dhjetor.

Ai po ashtu ka sqaruar se marrja e kësaj vaksine nuk është obligative, por është në bazë vullnetare.

Pllana, ka treguar së në muajin shkurt do ta marrë edhe dozën e dytë, derisa thekson se nuk ka pasur dilema e as frikë rreth kësaj vaksine.

Mjeku nga Kosova, mes tjerash, ka treguar se edhe shteti gjerman ka telashe me sigurimin e kësaj vaksine të shumëkërkuar për shkak të kushteve specifike.

Ai ka treguar po ashtu se Gjermania e kishte arritur pikun e infeksionit me koronavirus në muajin janar ku ka ndodhur që edhe disa spitale të mos pranojnë pacientë të prekur me COVID-19 për disa ditë dhe që të njëjtit të transferohen në spitalet e tjera të zonës.

Shfaq komentet
comments powered by Disqus
Sot mund të lexoni Shfletoni kopertinat