Vazhdon zgjerimi i Shkollës shqipe në Bavari

Gjermania

Vazhdon zgjerimi i Shkollës shqipe në Bavari

Nga: Isuf Bytyç Më: 20 shtator 2021 Në ora: 15:08
Nxënësit

Në Dingolfing dhe Landau të Bavarisë, në Gjermani edhe në këtë vit shkollor, filluam me kohë mësimin plotësues në gjuhën shqipe, thotë aktivisti i palodhur z. Tefik Jaha.

Më rastin e fillimit të ditës së parë, më 17.09.2021 përveç pjesëmarrjes të një numri të Prindërve nga nxënësit që filluan vitin shkollor në mësimin plotësues të gjuhës shqipe, ishte edhe kryetar i Këshillit Koordinues, për 13 vite në vazhdimësi, z. Jaha , për këto dy paralele, në të dy qytetet Dingolfing dhe Landau.

Për vitin 2021/22, në Dingolfing, vijojnë mësimin 20 nxënës, ndërsa në Landau 23 nxënës, të cilët janë të pajisura me libra, ku në të ardhmen shpresojmë se do të rritej numri i nxënësve dhe i ftojmë secilin prindër që ta dërgojnë fëmiun në mësimin plotësues në gjuhën shqipe, ngaqë jo vetëm që është përgjegjësi morale, respektimi dhe mësimi i gjuhës amtare, po njëkohësisht është edhe një freskim i trurit të nxënësve, kur ai e di gjuhën e vet, tha Jaha

Në prani të nxënësve dhe prindërve, ku respektoheshin masat e Pandemisë, mësueset: për Dingolfing, znj. Ismije Demolli dhe për Landau znj. Mervete Ismajli, ju uran nxënësve një fillim të mbarë të vitit shkollor, 2021/22. Ndërsa i emocionuar z. Tefik Jaha, tha:

nderuar/a dhe shumë të respektuar/a; prindër, nxënës dhe mësuese e, të gjithë ju aktivistë e përkrahës të mësimit të gjuhës shqipe në Diasporë, uroj që edhe ky fillimviti shkollor, të shkojë sa më mbarë. Uroj që të gjithë fëmijët e komunitetit tonë të jenë pjesë e mësimit plotësues në gjuhën shqipe dhe për këtë të jemi sa më të bashkuar, ne, prindërit, që fëmijët të jenë të nxitur të vijojnë mësimin në shkollën shqipe.

Image
Shfaq komentet
comments powered by Disqus
Më të lexuarat
Sot mund të lexoni Shfletoni kopertinat