Qytetarë të shumtë të Gjilanit janë duke shkuar që të ndezin qirinj para furrës “Qerimi” për ta nderuar Qerim Çoçajn i cili humbi jetën si pasojë e goditjes nga kamioni.
Genc Mustafa nga Rinia Gjilanase, ka thënë se ndjehet thellësisht i shqetësuar për këtë ngjarje e cila ka qenë tronditëse.
“Jemi thellësisht të shqetësuar për këtë që ka ndodhur sepse një afarist ka humbur jetën dhe ne ndjejmë dhembje me familjarët e tij,” ka thënë Mustafa.
“Për ta nderuar viktimën jemi mbledhur që të ndezim qirinj. Neve na janë bashkangjitur qytetarë të shumtë”.
“Qyteti i Gjilanit njihet si qytet i qetë dhe nuk është provuar me raste të tilla. Prandaj ne duam të solidarizohemi me viktimat dhe familjarët e tyre”.
