Drejtori i Policisë arrin në Gjilan pas vrasjes së shumëfishtë

Gjilani

Drejtori i Policisë arrin në Gjilan pas vrasjes së shumëfishtë

Më: 18 shkurt 2020 Në ora: 15:12
Rashit Qalaj

Drejtori i Policisë së Kosovës, Rashit Qalaj ka arritur në Gjilan, në vendin ku sot ndodhi një vrasje e shumëfishtë. Prokuroria e Gjilanit ka bërë të ditur se një police ka vrarë katër anëtarët e familjes së saj dhe në fund veten.

Prokuroria nuk ka njoftuar deri më tani për ndonjë motiv të mundshëm për vrasjen. Tre kombi të Institutit të Mjekësisë Ligjore kanë ardhur në vendin e ngjarjes ku do të bëjnë tërheqjen e pesë trupave të vdekur.

Një ish-zyrtare policore ka vrarë katër anëtarë të familjes së saj, dhe më pas edhe vetën. Ngjarja e rëndë ka ndodhur në Gjilan, në lagjen “Bojanina”, dhe rastin e ka konfirmuar edhe Prokuroria.

Kjo e fundit ka dhënë veç inicialet V.B, por bëhet fjalë për policen Valdete Bllaca e cila ka vrarë prindërit dhe dy vëllezërit e saj.

Në këtë tragjedi të rëndë siç mëson Reporteri ka mbetur i vrarë Zeqir Bllaca, 70 vjeçar, Hanife Bllaca 66 vjeçare, Blerim Bllaca 43 vjeçar, Fisnik Bllaca 34 vjeçar dhe vetë dorasja Valdete Bllaca, 45 vjeçare.

Në vendin e ngjarjes Prokuroria thotë se menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë.

commentFirst article
Sot mund të lexoni Shfletoni kopertinat