Familjes Bllaca iu dha lamtumira e fundit, nesër ditë zie në Gjilan

Gjilani

Familjes Bllaca iu dha lamtumira e fundit, nesër ditë zie në Gjilan

Më: 20 shkurt 2020 Në ora: 15:43
Foto nga ceremonia e varrimit

(E plotësuar) - Cërnica e Gjilanit ishte bërë “korb” i zi pasditen e së enjtes. Ky fshat sot kishte pritur me qindra njerëz për ngushëllime për pesë anëtarët e familjes Bllaca. Me qindra morën pjesë edhe në varrimin e trupave të pajetë, që u nisën nga xhamia e fshatit Cërnicë. Pesë anëtarët e kësaj familje vdiqën në mënyrë tragjike të martën.

Në ceremoninë e varrimit morën pjesë edhe drejtori policisë së Kosovës, Rashit Qalaj, pjesëtarë tjerë të Policisë e përfaqësues të komunës së Gjilanit.

Valdetës, nënë Hanifes, babait Zeqirit dhe dy vëllezërve Blerimit e Fisnikut sot iu dha lamtumira e fundit tek varrezat e fshatit në Cernicë.

Kosova u trondit mesditën e së martës nga një vrasje e cila ndodhi brenda familjes. Aty u shua një familje e tërë pesë anëtarëshe.

 

Në emër të familjes, kushëriri Halil Bllaca pati tri mesazhe për të gjithë që ishin pjesëmarrës në këtë varrimin e tyre.

Ndërsa, nënkryetari i komunës së Gjilanit, Arbër Ismajli ka bërë të ditur se nesër do të jetë ditë zie në këtë komunë.

Në lidhje me këtë rast, sipas hetimeve të para të bëra në vendin e ngjarjes, dyshohet se zyrtarja e policisë së Kosovës, Valdete Bllaca, ka shtënë me armë zjarri nga e cila ka lënë të vdekur nënën Hanifen, babën Zeqirin si dhe dy vëllezërit Blerimin e Fisnikun. Motivi i kësaj ngjarje të rëndë ende nuk dihet.

***

Në varrezat e fshatit Cernicë të Gjilanit iu është dhënë lamtumira e fundit pesë anëtarëve të familjes Bllaca.

Pesë anëtarët e familjes Bllaca, kanë vdekur ditën e martë. Dyshohet se zyrtarja policore V.B ka privuar nga jeta prindërit, dy vëllezërit dhe më pas vetën.

Policia e Kosovës ka bërë të ditur se vrasja dyshohet të jetë kryer me revolen e Policisë së Kosovës, për të cilën dyshohet se e ka poseduar viktima V.B.

Ndryshe, kryetari i Komunës së Gjilanit, Lutfi Haziri ka thënë se familja Bllaca ka qenë familje e ndershme, dhe rasti tragjik ka goditur gjithë komunën.

Image
commentFirst article
Sot mund të lexoni Shfletoni kopertinat