Lutfi Haziri në Gjilan, jep një lajm të mirë për qytetarët e kësaj komune

Gjilani

Lutfi Haziri në Gjilan, jep një lajm të mirë për qytetarët e kësaj komune

Nga: N. H Më: 29 mars 2020 Në ora: 17:11
Lutfi Haziri

Kryetari i Komunës së Gjilanit, Lutfi Haziri, përmes një shkrimi në Facebook, ka dhënë një lajm të mirë, sa i përket rasteve të dyshuara me virusin Covid-19.

Haziri tregon se në Gjilan në këto momente nuk kanë asnjë rast të dyshuar, derisa ka bërë me dije se edhe me tej do të vazhdojnë masat në mënyrë që të mos lejohet përhapja.

Krejt në fund, i pari i Gjilanit ka kërkuar gjithashtu nga qytetarët e kësaj komune që të vetëpërmbahen në qarkullimin gjatë ditës, ani se është e lejuar dalja.

Ja shkrimi i tij:

Lajm i mirë. Në Gjilan nuk kemi asnjë rast të dyshuar me #Covid19.

Spitali i Përgjithshëm, QRSHP dhe Klinika Infektive, janë në vijën e parë të luftës kundër #Covid19. E falënderoj dr, Burbuqe Shkodra, dr. Ajhane Sefiu, dr. Ukshin Ismaili dhe krejt ekipin e mjekëve që 24 orë e shtatë ditë nuk po ndalen në këtë angazhim.

Gjilani vazhdon t’i trajtoj rastet në familjen Shaqiri në Vrapçiq, ndërkaq rasti i Zhegrës që ka dalë negativ në testin e dytë, tashmë trajtohet si i shëruar.

Do të vazhdohet me masat e njëjta të shtrëngimit, në mënyrë që të mos lejohet përhapja. Familja Shaqiri nuk ka nevojë për shqetësim, le të qëndrojnë në shtëpi. nuk kanë nevojë të vinë në spital sepse ne iu shkojmë në shtëpi me ekipet tona.

Koordinimi i të gjithëve e parandalon përhapjen e virusit dhe e parandalon daljen nga burimi. Duhet të vazhdojmë kujdesin në higjienë, ta mbajmë distancën dhe të përshëndetemi me zemër.

I lus qytetarët që të vetëpërmbahen edhe në qarkullimin gjatë ditës, ani se është e lejuar dalja.

Si Komunë, po vazhdojnë shpërndarjen e ndihmave për familjet sociale dhe po iu dërgohen në shtëpi.

#Covid19Gjilan

commentFirst article
Sot mund të lexoni Shfletoni kopertinat