Nënkryetari i Komunës së Gjilanit, Arbër Ismajli, ka bërë ditur se sot atje janë marr 55 mostra për Covid-19 ku të gjitha rezultuan negativë.
Ai me anë të një postimi në rrjetin social Facebook deklaroi se 4 rastet me koronavirus të ditës së djeshme ishin të pritshme.
“Nga të dhënat e sapo publikuara nga Instituti Kombëtar i Shëndetësisë Publike, del se, nga 55 mostra të marra, nga Komuna e Gjilanit, të gjitha rezultuan me rezultat negativ. Praktikisht, ne po e përballojmë një vatër të plotë prej 55 rasteve të mundshme”.
” Tani më situata është nën kontrollë të plotë, ku janë kontaktuar e marrë mostrat sipas kontakteve të kontakteve me COVID19, ku fatmirësisht, të gjitha rezultuan si negative”.
“Edhe 4 rastet e mbrëmshme, kanë qenë raste të pritura, pasi që janë raste të listës A të kontaktit të ngusht familjarë. Pavarësisht kësaj, po punohet që ky rreth të jetë nën kontroll të plotë, duke u përkujdesur për ta, dhe, duke mos lënë që të kem raste të reja, jashta rasteve të kontakteve, të cilat në një formë janë raste të pritura, mirëpo, fatmirësisht, rezultuan si negative”, ka shkruar Ismajli.
