Haziri: 21 familje në Gjilan edhe më tutje të izoluara

Gjilani

Haziri: 21 familje në Gjilan edhe më tutje të izoluara

Më: 27 prill 2020 Në ora: 14:11
Haziri në konferencën për gazetarë

Kryetari i Gjilanit, Lutfi Haziri, në konferencën për gazetarë, ka thënë se me përfaqësuesit ndër-institucionalë, kanë vlerësuar gjendjen e përballjes me Covid-19 si të qetë dhe stabile,

“Nga 52 rastet e testuara mbrëmë nuk e kemi asnjë rezultat pozitiv. Edhe sonte e nesër do të bë​hen teste për të monitoruar gjendjen e përhapjes së Covid-19. Edhe më tutje janë të izoluara 21 familje”.

“Kërkohet disiplinë dhe vetëpërmbajtje e përgjithshme dhe qëndrimi sa më shumë në shtëpi si rruga më e mirë e luftimit dhe eliminimit të kësaj sëmundje ngjitëse. Rastet që tashmë janë të prekura janë nën monitorim dhe luten të gjithë që t’i respektojnë rekomandimet e institutit dhe vendimet e Qeverisë për karantinë”, ka thënë ai në një konferencë për media.

Haziri theksoi se edhe më tutje nuk ka lehtësim të masave, por nëse punohet më shumë së bashku në vetëpërmbajtje, “pas kësaj jave nëse lakorja e trajtimit të rasteve është në rënie, atëherë mund të punojmë në planin e krijimit të lehtësirave që nënkupton hapjen e disa operimeve ekonomike”.

Kreu i Gjilanit theksoi se deri në normalizim të gjendjes duhet të qëndrohet në shtëpi, të dhe siç tha ai “të dëgjoni policin, inspektorin, zyrtarët e emergjencave civile, sepse ata janë të angazhuar për t’u përkujdesur për shëndetin publik”.

Sot mund të lexoni Shfletoni kopertinat