​Në Gjilan inaugurohet Qendra Burimore për fëmijët e moshës 3-4 vjeçare

Gjilani

​Në Gjilan inaugurohet Qendra Burimore për fëmijët e moshës 3-4 vjeçare

Më: 24 shtator 2020 Në ora: 12:37
Gjilan

Në Gjilan është inauguruar sot Qendra Burimore për fëmijët e moshës 3-vjeç, në shkollën fillore “Abaz Ajeti”, projekt ky i mbështetur nga UNICEF dhe Ambasada japoneze në Kosovë.

Me rastin hapjes së kësaj Qendre, nënkryetari i Gjilanit Arbër Ismajli, e ka vlerësuar UNICEF-in si familjen e dytë në mbarë botën për fëmijët.

“UNICEF ka qenë me neve edhe gjatë kohës së pandemisë me shumë pako ushqimore dhe higjienike për familjet në nevojë. Kjo që po shohim ne këtu është jashtëzakonisht një e arritur e madhe, pasi shumë fëmijë do të përfitojnë nga kjo Qendër. E falënderoj shumë UNICEF-in, ambasadën japoneze dhe Ministrinë e Arsimit për mundësinë”, ka thënë ai.

Ambasadori japonez në Kosovë, Ogasawara Mitsunori, tha se ndihet i lumtur që kanë arritur të investojnë në këtë projekt.

“Jam shumë i lumtur që kemi arritur të investojmë këtu. Nëpërmjet kësaj pako e cila iu shërben fëmijëve me materiale të ndryshme. Kjo është dëshmi se do të vazhdojmë mbështetjen sepse e shohim shumë të rëndësishme t’ju qëndrojmë afër fëmijëve në Kosovë”, ka thënë ambasadori Mitsunori.

Ndërkohë, drejtori i UNICEF’it në Kosovë, Murat Sahin, pohoi se këtë projekt e ka mbështetur edhe Ambasada japoneze, Uta Ibrahimi përmes fondacionit të saj, derisa e ka falënderuar edhe Ministrinë e Arsimit për bashkëpunimin e ngushtë.

Ndryshe, në këtë Qendër do t’i ndjekin mësimet 25 fëmijë të moshës 3-4 vjeçare, derisa është paraparë që të vazhdohet edhe me grupin e dytë të nxënësve. 

commentFirst article
Sot mund të lexoni Shfletoni kopertinat