Qytetarët e Gjilanit paguajnë mbi 2 milionë euro tatime

Gjilani

Qytetarët e Gjilanit paguajnë mbi 2 milionë euro tatime

Më: 30 tetor 2020 Në ora: 12:28
Lutfi Haziri

Është mbajtur të premten mbledhja e bordit të drejtorëve, e cila është udhëhequr nga kryetari i Komunës së Gjilanit, Lutfi Haziri.

“Në këtë mbledhje është diskutuar për përmbylljen e vitit buxhetor, progresin e investimeve në infrastrukturë, gjendja me pandeminë COVID-19, sikurse edhe përgatitjet për shënimin e festave të 28 nëntorit, vit ky që i është kushtuar heroit të shqiptarëve, Abdullah Tahiri”, njofton Zyra për Informim e Komunës së Gjilanit.

Kreu i Gjilanit, Lutfi Haziri, ka falënderuar qytetarët për lojalitet në pagesën e tatimeve, derisa bëri të ditur se brenda dhjetë muajve të hyrat totale nga tatimet janë 2 milionë e 250 mijë euro, derisa për tatim në pronë janë mbi 1 milion euro.

Shfaq komentet
comments powered by Disqus
Sot mund të lexoni Shfletoni kopertinat