Policia e Kosovës gjatë zbatimit të masave antiCOVID-19, në 24 orët e fundit në shtatë komunat e rajonit të Gjilanit, ka shqiptuar gjithsej 61 fletë paraqitje për mos respektim të këtyre masave.
Policia apelon qytetarët t’i respektojnë me përpikëri masat e ndërmarra nga ana e Qeverisë, me qëllim të mbrojtjes së shëndetit të qytetarëve, në të kundërtën paralajmëron se moszbatimi i këtyre masave do të ketë konsekuenca ligjore.
“Ne dhe të gjitha institucionet e shtetit kemi vetëm një qëllim, mbrojtjen e shëndetit të qytetarëve tanë, në të kundërtën moszbatimi i këtyre masave do të ketë konsekuenca ligjore”.
Policia e Kosovës, Drejtoria Rajonale në Gjilan është duke vazhduar zbatimin e planit operativ dhe realizimin e vendimeve të institucioneve shtetërore në parandalim të përhapjes së pandemisë.
