Në Gjilan certifikohen 18 edukatore e infermiere për alfabetin e gjuhës së shenjave dhe komunikimit verbal

Gjilani

Në Gjilan certifikohen 18 edukatore e infermiere për alfabetin e gjuhës së shenjave dhe komunikimit verbal

Më: 17 dhjetor 2020 Në ora: 14:09
Në Gjilan certifikohen 18 edukatore e infermiere për alfabetin e gjuhës së shenjave dhe komunikimit verbal

Janë certifikuar sot në Gjilan 18 edukatore mbështetëse, infermiere e nxënëse të shkollës së mjekësisë “Dr. Asllan Elezi”, të cilat e mësuan alfabetin e gjuhës së shenjave dhe komunikimit verbal.

Ky trajnim i modulit të pare, i cili ka zgjadhur dy javë, është organizuar nga Qendra edukative për fëmijët me nevoja të veçanta, me mbështetje të Komunës së Gjilanit.

Në ceremoninë e dorëzimit të certifikatave ka marrë pjesë kryetari i Gjilanit, Lutfi Haziri, i cili e ka përgëzuar këtë Qendër për realizimin e këtij trajnimi me moton “Ma kupto heshtjen”, duke thënë se Komuna do të vazhdojë t’i mbështesë në vazhdimësi këto projekte të rëndësishme.

Ndërkaq, drejtoresha e Qendrës edukative për fëmijët me nevoja të veçanta, Shpresa Sejdiu, e ka falënderuar kryetarin Haziri për mbështetjen, duke e nderuar atë dhe drejtorin e Arsimin, Nazim Gagica, me mirënjohje për përkrahjen e ofruar në realizimin me sukses të këtij trajnimi.

Shfaq komentet
comments powered by Disqus
Sot mund të lexoni Shfletoni kopertinat