Shkon në 100 numri i viktimave nga COVID-19 në Gjilan

Gjilani

Shkon në 100 numri i viktimave nga COVID-19 në Gjilan

Më: 18 janar 2021 Në ora: 10:30
Foto Ilustrim

Në Gjilan që prej fillimit të pandemisë COVID-19, numri i personave që e kanë humbur betejën me COVID-19 ka shkuar në 100.

Lajmin e ka konfirmuar nënkryetari i Gjilanit, Arbër Ismajli, në takimin e Komitetit për menaxhimin dhe parandalimin e përhapjes së COVID-19, të hënën.

Ai ka bërë thirrje për kujdes maksimal për ta parandaluar përhapjen e virusit.

“Kjo është dhimbje e madhe për të gjithë ne dhe është thirrje për kujdes maksimal për ta parandaluar përhapjen e virusit. Në emër të kryetarit Haziri, iu shpreh ngushëllimet më të sinqerta familjeve të të prekurve”, ka thënë Ismajli.

Gjendja e përgjithshme në Gjilan që prej fillimit të pandemisë është si vijon: Nga 8632 mostra, 3274 kanë rezultuar pozitivë, 3020 janë shëruar, 100 persona e kanë humbur betejën me virusin, 154 raste janë aktive, 30 të konfirmuar me COVID-19 janë në hospitalizim dhe 60 mostra në pritje.

commentFirst article
Sot mund të lexoni Shfletoni kopertinat