Gjilani ka aktualisht 326 raste aktive me COVID-19

Gjilani

Gjilani ka aktualisht 326 raste aktive me COVID-19

Më: 10 mars 2021 Në ora: 10:52
Gjilan

Gjilan, 10 mars 2021 – Komiteti për menaxhimin dhe parandalimin e përhapjes së COVID-19, nën udhëheqjen e nënkryetarit të Gjilanit, Arbër Ismajli, ka mbajtur takimin për vlerësimin e situatës për dy ditët e fundit.

Ismajli ka njoftuar se Gjilani aktualisht ka 326 raste aktive.

Duke apeluar qytetarët dhe bizneset që japin shërbime që të vazhdojnë t’i respektojnë masat, vendosjen e maskës dhe mbajtjen e distancës.

Pasqyra e përgjithshme në Gjilan që prej fillimit të pandemisë është si vijon: nga 14076 mostra, 4016 kanë rezultuar pozitivë, 3578 janë shëruar, 112 qytetarë e kanë humbur betejën me virusin, 326 raste janë aktive, të hospitalizuar me COVID janë 68 persona dhe 312 mostra në pritje për rezultat. 

Shfaq komentet
comments powered by Disqus
Sot mund të lexoni Shfletoni kopertinat