Nënshkruhet marrëveshja për ndërtimin e Qendrës Kulturore për Komunitete në Gjilan

Gjilani

Nënshkruhet marrëveshja për ndërtimin e Qendrës Kulturore për Komunitete në Gjilan

Më: 18 mars 2021 Në ora: 10:16
Foto ilustrim

Kryetari i Komunës së Gjilanit, Lutfi Haziri, ka nënshkruar memorandum mirëkuptimi me ministrin e Zhvillimit Rajonal, Enis Kervan, për Ndërtimin e Qendrës Kulturore për Komunitete në Gjilan.

Bëhet e ditur se projekti parasheh ndërtimin e objektit Qendra Kulturore për Komunitete në pronësi të Komunës së Gjilanit, e krijuar për të ruajtur, zhvilluar dhe promovuar artet dhe trashëgiminë kulturore të komuniteteve dhe në shërbim të gjithë qytetareve të komunës.

Haziri pasi e falënderoi Kervan për mbështetjen, tha se me ndërtimin e objektit të ri të kulturës do të krijohet infrastruktura e nevojshme publike të cilat mund të shfrytëzohen nga të gjitha komunitetet për zhvillimin e aktiviteteve me interes për qytetarët.

Kostoja e projektit është mbi 151 mijë euro, ku MZHR do të financojë me 80,000 euro, derisa Komuna do të bashkëfinancojë me shumën prej 71,471.52 euro.

commentFirst article
Sot mund të lexoni Shfletoni kopertinat