Gjilani ka 748 raste aktive me coronavirus

Gjilani

Gjilani ka 748 raste aktive me coronavirus

Më: 12 prill 2021 Në ora: 10:21
Komiteti për menaxhimin e COVID-19

Komiteti për menaxhimin dhe parandalimin e përhapjes së COVID-19 në Gjilan ka mbajtur takimin për vlerësimin e situatës për dy ditët e fundit.

Ndërsa u bë e ditur se aktualisht 101 qytetarë janë duke u trajtuar në Spitalin e Përgjithshëm, 76 prej të cilëve me oksigjeno-terapi, derisa 748 raste janë aktive.

Nënkryetari i Gjilanit, Arbër Ismaili ka apeluar të gjithë qytetarët që t’i respektojnë masat kundër përhapjes së COVID-19.

Pasqyra e përgjithshme në Gjilan që prej fillimit të pandemisë është si vijon: nga 19012 mostra, 5729 kanë rezultuar pozitivë, 4848 janë shëruar, 123 qytetarë e kanë humbur betejën me virusin, 748 raste janë aktive, të hospitalizuar me COVID janë 101 persona dhe 68 mostra në pritje për rezultat.

commentFirst article
Sot mund të lexoni Shfletoni kopertinat