PDK kandidon një grua për Kryetare të Gjilanit

Gjilani

PDK kandidon një grua për Kryetare të Gjilanit

Më: 14 gusht 2021 Në ora: 20:52
Leonora Morina Bunjaku dhe Memli Krasniqi

Partia Demokratike e Kosovës ka zyrtarizuar Leonora Morina Bunjakun si kandidate për kryetare të Gjilanit.

Prezantimin e saj e ka bërë kreu i PDK-së, Memli Krasniqi, i cili ka thënë se kandidatja e tyre ka dëshmuar vullnet e forcë për të marrë përgjegjësi dhe i ka kryer ato ashtu si duhet.

Postimi i tij:

Një profesoreshë e aktiviste politike, që ka ecur gjatë e ndershmërisht me Partinë Demokratike të Kosovës, Leonora Morina Bunjaku, është kandidate e jona për të udhëhequr me Komunën e Gjilanit.

Ajo ka dëshmuar vullnet e forcë për të marrë përgjegjësi dhe i ka kryer ato ashtu si duhet.

Qytetarët e Gjilanit kanë nevojë për ndryshime. Kanë nevojë për një qeverisje me transparencë, me projekte madhore e kreative, për më shumë vende pune, më shumë perspektivë për të rinjtë.

Dhe, Leonora me ekipin e saj është lista e duhur për këtë. Ajo ka mbështetjen tonë të parezervë, të të rinjve e të rejave për t’i dhënë një frymë të re e prioritet qeverisjes në Gjilan.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat