Një muaj paraburgim të dyshuarit për dhunë ndaj gruas së tij në Vrapçiq të Gjilanit

Gjilani

Një muaj paraburgim të dyshuarit për dhunë ndaj gruas së tij në Vrapçiq të Gjilanit

Më: 1 tetor 2021 Në ora: 16:03
Gjykata Themelore në Gjilan

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurit A. S..

Sipas komunikatës për medie, i njëjti dyshohet se ka ushtruar dhunë psiqike e fizike ndaj bashkëshortes së tij.

“Ekziston dyshimi i bazuar se me datë 29.09.2021, rreth orës 13:30 minuta, në fshatin Vrapçiq, Komuna e Gjilanit, i pandehuri ka shkaktuar dhunë në familje, në atë mënyrë që përmes dhunës fizike dhe psikike, fillimisht e fyen të dëmtuarën me fjalë të rënda ofenduese e më pas godet me grushte dhe shkelma në pjesë të ndryshme të trupit”, thuhet në komunikatë.

Me këto veprime, i pandehuri dyshohet të ketë kryer veprën penale ‘’dhunë në familje’’, vepër e sanksionuar me Kodin Penal të Republikës së Kosovës (KPRK).

Andaj, sipas vlerësimit të gjyqtarit të procedurës paraprake qëndrojnë arsyet ligjore për caktimin e paraburgimit ndaj të pandehurit, masat tjera alternative do të ishin të pamjaftueshme për zhvillimin me sukses të procedurës penale.

Masën e paraburgimit do të mbahet në Institutin e Forenzikës Psikiatrike në Prishtinë, me qëllim të ekzaminimit psikiatrik dhe konstatimin e llojit, shkallës dhe kohëzgjatjes së sëmundjes mendore tek i pandehuri.

Më të lexuarat
Sot mund të lexoni Shfletoni kopertinat