Let’s Do It Kosova sot organizon aksion pastrimi në fshatin Stanishor të Gjilanit, ku pritet të marrin pjesë qindra vullnetarë.
Aksioni do të fillojë në orën 11:00, ndërsa realizohet në kuadër të projektit të Zyrës së Bashkimit Evropian në Kosovë, Let’s Do It Legal, i cili zbatohet nga Fondacioni Kosovar për Shoqëri Civile (KCSF), ndërsa implementohet nga Let’s Do It Kosova.
Let’s Do It Kosova u bën thirrje edhe qytetarëve që të bëhen pjesë e këtij aksioni dhe të japin kontributin e tyre për përmirësimin e imazhit të mjedisit në komunën e tyre.