Grat e Gjilanit kërkojnë të ndalet dhuna ndaj grave dhe fëmijëve - Bota Sot
Grat e Gjilanit kërkojnë të ndalet dhuna ndaj grave dhe fëmijëve

Gjilani

Grat e Gjilanit kërkojnë të ndalet dhuna ndaj grave dhe fëmijëve

Më: 6 shtator 2018 Në ora: 19:01
?Grat e Gjilanit kërkojnë të ndalet dhuna ndaj grave dhe fëmijëve

Gratë Aktive të Komunës së Gjilanit organizuan sot protestë kundër dhunës ndaj grave dhe fëmijëve, me moton “Boll ma”.

Marshi i protestuesve  është nisur nga platoja e Teatrit për të vazhduar drejtë Gjykatës Themelore me moton “Boll Mo”.

Ato, gjithashtu, kanë ftuar të gjitha institucionet e Republikës së Kosovës që të bëjnë më shumë për të drejtat e grave dhe trajtim të barabartë me burrat.

Shpresa Kurteshi, kryesuese e Kuvendit të Komunës, kërkoi implementimin e ligjeve që mbrojnë të drejtat e njeriut nga çdo formë e diskriminimit, sepse sipas saj, fatkeqësisht rastet e fundit të vrasjeve cilat kanë ndodhur, duhet të ndalet kjo dukuri. 

Kurteshi: Kjo dukuri duhet të ndalet

“Fatkeqësisht rastet e fundit të cilat kanë ndodhur kanë reflektuar dhe kanë ngritur një mobilizim të përgjithshëm të grave për ta luftuar fuqishëm, për ta ngritur zërin fuqishëm që kjo dukuri të stopoj dhe gruaja të jetoj dhe të veproj e qetë ashtu siç e meriton, sepse në fakt ajo është kontribuuesja më e madhe e çdo të mire që i ndodhë familjes dhe shoqërisë tonë”, ka thënë Kurteshi.  

Aktorja Emine Toska tha se dhuna ndaj grave, është një dukuri e shëmtuar që mjerisht po rezulton me vrasjen të grave, duke arritur numri deri në 102 vrasje.

Toska: Duhet luftuar në çdo mënyrë për ta çrrënjosur dhunën

“Dhuna në familje shkatërron jetrëa, tronditë trungun e familjes, pengon zhvillimin e shoqërisë në përgjithësi. Prandaj, duhet luftuar në çdo mënyrë për ta çrrënjosur këtë fenomen. Zero tolerancë për dhunë ndaj gruas. Të flasësh hapur për dhunën e ushtruar ndaj teje, nuk është e lehtë sot, këtë e dinë të gjithë. Nuk është vetëm dhuna dhe kërcënimi, por edhe turpi, dyshime ndaj vetës dhe traumat që i bëjnë viktimat të heshtin”, ka thënë Toska.  

Arjeta Maka nga shoqëria civile ka thënë se nuk do të ndalen së kërkuari barazi derisa grat dhe fëmijët të trajtohen të barabartë. Po ashtu ajo kërkoi edhe zbatim të ligjeve nga institucionet e Kosovës.

Maka: Gratë dhe fëmijët si viktima të dhunës në familje

“Kontributi i vazhdueshëm për të ofruar shërbime sa më të mira për grat dhe fëmijët si viktima të dhunës në familje, nuk po rezulton të jetë i mjaftueshëm pa zbatimin e ligjeve që i kemi të aplikueshme në vend që rregullojnë fushën e të drejtave të njeriut, dhe si pasojë e kësaj, po pësojnë grat”, ka thënë Maka. 

Edhe Gjylishene Berisha, aktiviste e përhershme e kauzës për të drejtat e grave ka bartur mesazhin e përbashkët për tolerancë familjare, pavarësimin e femrës, përkrahjen, respektimin e vlerave njerëzore të femrës si grua dhe si nënë e cila është shtylla kryesore e familjes

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...