Në rajonin e Gostivarit pesë raste aktive me Covid-19, gjendja është e qëndrueshme - Bota Sot
Në rajonin e Gostivarit pesë raste aktive me Covid-19, gjendja është e qëndrueshme

Gostivari

Në rajonin e Gostivarit pesë raste aktive me Covid-19, gjendja është e qëndrueshme

Më: 26 maj 2020 Në ora: 15:53
Pamje nga vendi i ngjarjes

Shtabi i krizës për komunat Gostivar, Vrapçisht, Mavrovë dhe Rostushë në takimin e sotëm e vlerësoi si stabile gjendjen me pandeminë në rajonin më të gjerë të Gostivarit, por bëri thirrje që qytetarët t’i kushtojnë më shumë vëmendje mbrojtjes personale.

Kreu i Shtabit të Krizës, Arben Taravari, informoi se në ditët e kaluara është regjistruar edhe një tjetër rast pozitiv me Covid-19, kështu që në tre komunat e Gostivarit aktualisht ka pesë raste aktive. Personi i ri i infektuari është nga Komuna e Vrapçishtit, ku me të për momentin, ka dy raste aktive, ndërsa po aq ka edhe në Mavrovë Rostushe dhe një në Gostivar.

“Edhe përkundër lehtësimit të masave, qytetarët duhet të jenë të kujdesshëm dhe të respektojnë masat e përcaktuara që kanë të bëjnë me distancën sociale, mbajtjen e maskave ​​dhe higjienën e shtuar”, theksoi Taravari si një nga konkluzionet pas takimit.

Nga Shtabit i Krizës edhe një herë u dërguan kërkesë autoriteteve qendrore për të shkurtuar kohëzgjatjen e orës policore dhe ajo në të ardhmen të jetë nga ora 23:00 deri në ora 05:00. Si kërkesë e dytë, Shtabi Qendror duhet të lejojë hapjen e objekteve hotelierike në rajonin e Gostivarit që kanë tarraca dhe në lidhje me protokollet e sigurisë.

Sipas Taravari, kjo kërkesë bazohet në nevojat e qytetarëve dhe hotelierëve sepse, siç theksoi ai, do të kontribuojë ndjeshëm në rimëkëmbjen e ekonomisë lokale.

I pyetur për të komentuar rreth numrit të personave të testuar në Gostivar që për momentin arriti në 260 persona, Taravari konsideron që kjo nuk është e mjaftueshme dhe që sipas numrit të banorëve në të tre komunat, numri minimal i personave të testuar duhet të jetë mbi 1.000 persona.

Ai konsideron që skriningu sa më shpejt duhet të përfshijë si punonjësit shëndetësorë në shëndetësinë publike ashtu edhe atë private.

Shfaq komentet
comments powered by Disqus
Sot mund të lexoni Shfletoni kopertinat