Istogu eliminohet nga garat evropiane në hendboll (femrat). Megjithatë Istogu bëri paraqitje të denjë në takimin e dytë, ndaj Rincon Fertilidad Malaga, por humbi me rezultat 21:13. Vashat e Istogut bënë paraqitje dinjitoze në takimin e dytë për dallim nga sfida e të shtunës që pësuan debakël me rezultat 40:9, në kuadër të tetës së finales së Challenge Cup. Istogu eliminohet me rezultat të përgjithshëm 61:22 nga skuadra spanjolle. Malaga tregoi lojë të mirë e cila në minutat e para udhëhoqi me rezultat 5:0, pastaj edhe me 8:2. Me kalimin e minutave Istogu e ngushton epërsinë në 13:9, por jo edhe të bëjë më shumë, pasi që vendaset nuk lejuan befasi. Malaga triumfoi me 8 gola dallim (21:13). Hendbollistja Macarena Gandulfo ka qenë më efikasja te Malaga, me 6 gola, kurse Elma Kameri shënoi 9 gola për Istogun.
Istogu-Malaga 13:21
Palestra e sportit në Malaga.
Shikues: 150.
Gjyqtarë: Lucas Beulakker, Kristof Gilis (Belgjika).
Istogu: Shehdadi, Ujkiq 1, Rugova 1, F. Rexhaj 1, Halitaj, Ferataj, Kameri 9, Shatri 1, Rrahmani, Dr. Rexhaj, V. Rexhaj, Ahmetxhekaj dhe Berisha.
Malaga: Vidal, Martín 1, Isaura 5, Sole Lopez, Andreu 1, Calzado 2, Agustina 4, Medeiros 1, Campigli, Gandulfo 6, Rein dhe Sanchez 1.
