Kampionia vjeshtore e Kosovës (femrat) Istogu është më e fortë se asnjëherë më parë dhe lideri Kastrioti i Ferizajt (meshkujt), përforcohet me një hendbollist cilësor nga Kameruni.
Klubet e Kosovës e shfrytëzuan afatin e fundit për përforcimet nga shtetet e jashtme. Lideri aktual ne tabelë te Superliga e meshkujve, Kastrioti, angazhoi lojtarin nga Kameruni i cili luan në Kongon demokratike Bassomben Pamphile. Ai është i gjatë 2 metra dhe luan në pozitën e bekut të djathte (majtak).
Muratoviq në Istog
Kurse tek Istogu u regjistrua lojtarja me renome ndërkombëtare Esma Muratoviq, reprezentuese e Malit të Zi, ish lojtare e Buduçnostit, e cila luajti ne Portugali, Turqi dhe së fundi në Izrael. Muratoviq është e gjatë 180 centimetra dhe luan me pozitën e qendrës dhe bekut te majtë.
