Albina Rugova do të mbahet mend si kapitenja e parë e Istogut që ngriti lart kupën e kampionit të Kosovës në hendboll. Istogu të shtunën siguroi titullin, për të kurorëzuar kështu punën shumëvjeçare. Istogu ka dy Kupa të Kosovës e tani edhe titull të kampionit. Aloja Rugova është prej më meritoreve për këtë sukses.
"Si kapitene jam shumë e lumtur që mundi ynë më në fund u shpërblye. Për këtë sukses kemi punuar shumë vite dhe trofeu i kampionit ishte i vetmi që i ka munguar klubit tonë. Falë punë së pandalshme të trajnerit dhe lojtareve, arritëm qëllimin e përbashkët", ka deklaruar Rugova.